大滿屋日本料理 (已結業)

放工之后, 同一班朋友一齐到观塘食好O野, 见到推介呢间放题就入去睇下。入到去就见到人山人海, 装潢比人感觉干净醒神, 好有高级餐厅O既感觉, 而好好好彩O既系等一阵就有位啦。刺身O既选择有好多, 螺, 油甘鱼等等, 全部都好鲜甜。而且我最钟意O既系鱼生全部都系厚切O既, 唔会太薄而冇哂口感。寿司同卷物都整得好靓, 好多唔同款式O既寿司都有提供, 寿司细细份, 试到唔同口味又不至于太饱, 可以食多几ROUND。小菜卷物方面, 我特别钟意食海鲜, 而鱿鱼就系我O既至爱。呢度O既炒鱿鱼须虽然有少少辣, 但系就好脆口, 好好味。另外O既串烧都系唔错O既选择, 尤其系日式蕃薯, 细细粒但系好甜好腍, 好似食紧甜品咁。 煮物都有好多野拣, 牛肉寿喜烧锅就足料, 无论牛肉定素菜都唔会太失衡, 非常惹味。成晚我最满意O既就系蟹粥, 除左O的粥好绵之外, 仲用左一只蟹黎煲, 好难得而且仲好好味。甜品方面, 餐厅用左细器皿, 所以大家可以浅尝即止, 唔会好快腻。但系我觉得甜品O既曲奇木糠布甸就好好味, 入口即化, 唔小心仲叫左几次黎食。