K2 Kitchen (已結業)

近来经常去观塘揾食，皆因平靓正…每次打开OpenRice，观塘工厦既选择系多到眼花，个个食评都好似几好，有D食评系坚、有D系流…真系睇你好唔好彩！今次呢间K2，系近期系观塘揾食中伏既一间…入去地方算几寛赵，有窗但系唔开亦睇唔到出面，变左有少少局促，环境就好一般。待应有礼有笑容，餐牌选择都唔少，左度右度，叫左个威灵顿牛柳Set。北海道甘虾伴芦荟沙律﹕无咩难度既一款菜，最紧要只虾够新鲜大只鲜味，就无得输。好少食到芦荟做既沙律，对我黎讲，几清新！牛肝菌榛子茸汤﹕牛肝菌一向菌味浓郁，呢个汤论菌香都好正，就系唔知佢点解用榛子茸………..食唔出榛子味，榛子本身味道唔突出，唔知佢系呢个汤既角色系咩！个汤口感就麻麻地，滑就滑但有少少稠过头。仲有佢个Bread Stick.......韧既，极唔新鲜，又唔番焗！ 威灵顿牛柳﹕Well，呢个绝对系有少少难度既菜色，出面好少有得食，又好多有得食但做得唔好，呢间都唔例外，牛柳过熟，少少韧，牛味欠奉，垫底酥皮亦都湿透，处理得唔好。配菜又比佢装饰一轮，好睇唔好食。黑白朱古力慕士﹕卖相系好靓，但慕士食唔出有朱古力味，应该都唔系用靓朱古力！餐饮热朱古力，当然系大路朱古