Victorian Rose Tea Room (已結業)

悠闲嘅周末约左姊妹一齐high个tea～今次去位于尖沙咀山林道新开啲tea room，装潢十分别致，好多打卡位，主调用上白色，再有啲画作点缀，外有露台可吹吹风，仲有一片草墙带点绿化气息！坐底无耐就落左tea set for 2，饮品可以任择一款，可以拣啲特别啲或者佢嘅signature～好似呢个玫瑰朱古力，超浓郁朱古力味但又唔会过甜，仲带点玫瑰花香！个tea set一到第一个反应系份量好大，如果真系当tea食一定会食唔晒，好彩今次同姊妹都未食lunch，咁都handle到嘅！先食咸点，本身对汉堡嘅印象系觉得麻麻地，加上望落以为好干，但点知影左一轮相仲带微暖，包仍系外脆嘅，加上啲蜂蜜芥末酱真系点缀左件事！仲有蟹饼都有惊喜，真系有丝丝蟹肉！除左三层架嘅甜点，仲有两款口味嘅scone，分别原味同莓味。仲有每人一个焦糖炖蛋omg～scone系我钟意嘅口感，唔会干，配埋jam同clotted cream系正嘅！仲有架上嘅panna cotta都高质，超级动L嘅质地，奶味香又滑～仲有好浓嘅朱古力挞同埋戚风蛋糕我都好爱！呢间tea room绝对会比到惊喜人，无论系食物质素抑或环境我都好喜欢！