華香雞 (已結業)

2022年最后一日工作日收工去左骆克道华香鸡食晚饭。华香鸡系老字号，始创于1988年。餐牌有更新㖞，当然有鸡，仲有牛腩，卤水，鱼类如白鳝鲈鱼，蚝仔煲，蔬菜，配𩠌，小食同饮品。另外都有饭餐套餐。今晚决定唔食鸡，叫左鲈鱼煲同牛腩煲。潮式沙茶牛腩煲 $98牛腩煲有6款口味，今晚又拣咗有推介既潮式沙茶口味。潮式沙茶牛腩系用木桶形既热煲滚住上枱，冬天食好啱。牛腩牛味唔错，有半肥瘦有瘦，无全肥，健康d。牛筋都淋。其他配料有洋葱丝同大量葱，西芹，同少少芫荽。个潮式沙茶汁味道唔辣，好惹味。姜葱鲈鱼煲 $98姜葱鲈鱼煲有大大个鱼头连上身肉砍件，鱼肉非常滑溜，新鲜鱼先可以咁滑，鱼皮薄而滑。只系有鱼鳞同细骨，小心d食就得。姜好足料，冬天食正，个汤味道好清。蔬菜基本上同牛腩煲一样。食完个胃好暖。