Lady M (已結業)

自从上个星期同闰蜜嚟Lady M high tea之后,发现咗原来呢度有tea set,我就番去同阿肥讲,一个套餐包四件蛋糕加两杯嘢饮,都只系需要$298蚊,连佢都觉得好吸引丫~应承咗我话假期就同我一齐试,所以就喺国庆假期嘅一日嚟咗啦。 本来谂住如果嚟到人龙太长嘅话就放弃唔食架喇,但系人又唔算好多㖞,排喺我哋前面嘅都大约只系四/五张枱,所以我哋就决定等一下啦,听职员讲,原来坐室外雅座嘅话系冇tea set叫嘅,只提供单点同埋唔收服务费,想食tea set嘅就要等室内嘅枱啦。差唔多45分钟左右,我哋就可以入座喇。 由于已经目标明确,一坐低之后,一人负责拣两件蛋糕,同埋选取自己想要嘅饮品,另外我哋都怕漏,叫多咗一款咸点试下,反正等咗咁耐,唔好错过呢个机会阿肥拣咗原味千层蛋糕同埋法式芝士蛋糕,系人都知原味千层系呢个品牌嘅皇牌出品,无论口感同埋味道都一样无可挑剔,多层嘅超薄蛋皮夹住新鲜滑溜嘅淡忌廉,甜而不腻,食完真系齿颊留香。难怪呢一款系阿肥必叫嘅Lady M蛋糕,令人回味无穷。反而另外一款法式芝士蛋糕就带嚟好大嘅反差,味道浓厚嘅芝士味带点咸咸的,仲有一层铺满肉桂粉嘅脆饼底部,混合埋面头带点甜