影片
更多
2011-12-23
50 浏览
8月20日, 早早去到深水埗, 食早餐实在有太多选择… 左拣下右拣下就嚟咗呢间茶餐厅, 早餐都有好多款, 仲有d新鲜出炉面包, 一盘一盘咁搬出嚟真系好香!::: 沙爹牛肉面 + 餐蛋 + 热奶茶 ::: $22 + $2叫咗个正正常常嘅早餐, 不过跟餐蛋嘅餐包先系主角, 仲系热辣辣架! 似系墨西哥包, 面头好脆又够香软~ 平时通常都最后先食个包或者太饱唔会食, 不过呢个餐包真系唔错~ 餐蛋就ok啦, 只系油太多, 成只碟都系… 沙牛面个汤底超清, 好在有d沙爹酱, 但系味道都唔算浓, 牛肉系乸完一大轮之后嘅淋… 公仔面硬度ok, 我钟意比较硬少少嘅质地.热奶茶普普通通, 唔够滑.::: 什菜俄罗斯粉 + 火腿奄列 + 冻柠茶 ::: $21 + $2什菜俄罗斯粉相当足料! 个汤底超浓蕃茄香~ 椰菜、蕃茄、西芹、红萝卜都煮到又淋又甜~ d通粉又好索汤~ 感觉上就系又有营养又够健康同饱肚! 赞呀~ 火腿奄列就比下去喇… 个蛋唔系老, 但个质地唔知点解好似胶胶地咁, 加上真系太油腻, 搞到个餐又即刻唔健康番… 要赞嘅系个餐包! 竟然系个新鲜焗起香酥松软嘅迷你墨西哥包!! 估唔到个餐包都做得咁
::: 沙爹牛肉面 + 餐蛋 + 热奶茶 ::: $22 + $2
叫咗个正正常常嘅早餐, 不过跟餐蛋嘅餐包先系主角, 仲系热辣辣架! 似系墨西哥包, 面头好脆又够香软~ 平时通常都最后先食个包或者太饱唔会食, 不过呢个餐包真系唔错~ 餐蛋就ok啦, 只系油太多, 成只碟都系… 沙牛面个汤底超清, 好在有d沙爹酱, 但系味道都唔算浓, 牛肉系乸完一大轮之后嘅淋… 公仔面硬度ok, 我钟意比较硬少少嘅质地.
热奶茶普普通通, 唔够滑.
::: 什菜俄罗斯粉 + 火腿奄列 + 冻柠茶 ::: $21 + $2
什菜俄罗斯粉相当足料! 个汤底超浓蕃茄香~ 椰菜、蕃茄、西芹、红萝卜都煮到又淋又甜~ d通粉又好索汤~ 感觉上就系又有营养又够健康同饱肚! 赞呀~ 火腿奄列就比下去喇… 个蛋唔系老, 但个质地唔知点解好似胶胶地咁, 加上真系太油腻, 搞到个餐又即刻唔健康番… 要赞嘅系个餐包! 竟然系个新鲜焗起香酥松软嘅迷你墨西哥包!! 估唔到个餐包都做得咁认真~ 好正!
冻柠茶都唔错~ 茶味都几浓.
::: 菠萝油 ::: $8
食完个早餐本身都够饱, 不过就系俾佢地嘅面包香吸引咗, 叫个菠萝油食下先~块鲜油用冰镇住, 唔会溶, 好正! 摆入去热辣辣嘅菠萝包度好有冰火感觉, 菠萝包嘅脆皮好香脆, 面包又够香, 加埋牛油鲜味, $8一个真系几饱都食得落~
呢度特色真系佢嘅热辣辣出炉餐包, 平时行开买个外卖一路行一路食都真系唔错~
张贴
