影片
更多
2024-09-29
1204 浏览
《凑凑火锅‧茶憩 - 旺角家乐坊》天气凉番少少， 系时候去打边炉啦， 旺角特色既火锅店有好多，但如果要讲高质素d 既就一定要讲凑凑火锅啦， 餐厅系做高质素既台式火锅，店舖既装修、食材同饮品方面都比坊间既有水准，以为咁样食一餐会好贵?而家晚市既指定菜式都有做半价或套餐优惠， 我地去果日象拔蚌就做紧半价， 只需$178一份， 份量十足当日我系同位旧同事食饭，我哋要咗鸳鸯锅，昆布汤拼招牌麻辣锅，之后仲叫左好几款海觧、鲜肉等食品， 个人觉得餐厅呢度既海鲜大部份既质素好高，我地叫左个华丽海鲜拼盘乜都有的，所有海鲜都食得出好鲜同埋弹牙，我十分推介的👍🏻另外我哋一坐低，店员就送上一壶热嘅双柚爱玉茉香茶，净系闻都已经好香茉莉花味，我个人觉得解辣有啲帮助💁🏻♀️华丽海鲜拼盘个海鲜拼盘入边有鲍鱼、鳝片、生虾、带子同埋花甲，系两个人嘅份量，我就觉得海鲜本身新鲜嘅话配返清汤就最适合不过，所以我哋渌海鲜嘅时候主要都系用返昆布汤，鳝片切得薄身容易咬，食落肥美有油脂，而鲍鱼同带子嘅口感都系偏向弹牙，我谂6分钟左右就已经食得，咁多样嘢入面其实我最钟意系个花甲，直落冇沙，而且好鲜甜，所以之后我都再encore咗一份💁🏻
天气凉番少少， 系时候去打边炉啦， 旺角特色既火锅店有好多，但如果要讲高质素d 既就一定要讲凑凑火锅啦， 餐厅系做高质素既台式火锅，店舖既装修、食材同饮品方面都比坊间既有水准，以为咁样食一餐会好贵?而家晚市既指定菜式都有做半价或套餐优惠， 我地去果日象拔蚌就做紧半价， 只需$178一份， 份量十足
当日我系同位旧同事食饭，我哋要咗鸳鸯锅，昆布汤拼招牌麻辣锅，之后仲叫左好几款海觧、鲜肉等食品， 个人觉得餐厅呢度既海鲜大部份既质素好高，我地叫左个华丽海鲜拼盘乜都有的，所有海鲜都食得出好鲜同埋弹牙，我十分推介的👍🏻另外我哋一坐低，店员就送上一壶热嘅双柚爱玉茉香茶，净系闻都已经好香茉莉花味，我个人觉得解辣有啲帮助
💁🏻♀️华丽海鲜拼盘
个海鲜拼盘入边有鲍鱼、鳝片、生虾、带子同埋花甲，系两个人嘅份量，我就觉得海鲜本身新鲜嘅话配返清汤就最适合不过，所以我哋渌海鲜嘅时候主要都系用返昆布汤，鳝片切得薄身容易咬，食落肥美有油脂，而鲍鱼同带子嘅口感都系偏向弹牙，我谂6分钟左右就已经食得，咁多样嘢入面其实我最钟意系个花甲，直落冇沙，而且好鲜甜，所以之后我都再encore咗一份
💁🏻♀️猫爪虾滑
睇个Menu嘅时候见佢造型咁可爱，我哋都叫咗一份虾滑嚟试吓，佢嘅口感龙虾丸咁比较弹牙，里面食到有虾嘅肉粒，一份有六件，用嚟打卡一流
💁🏻♀️新鲜白鳝片
其实海鲜拼盘入面都已经有白鳝片，但系我哋觉得无论辣汤定系昆布汤煮都几好食，所以之后叫多咗一份，第二份个感觉更加肥美有肉地，食落有啲弹牙同埋好香鱼肉味，推介👍🏻
💁🏻♀️美国牛肩胛肉
今次拣嘅牛肩胛肉都算几肥美，睇得到佢有均匀嘅油花，但系又不失肉味，同埋咁多肉入边呢一款性价比最高，$158一客都几大份，两个人够晒食
💁🏻♀️毛肚
毛肚食落都算新鲜爽口，佢系用左无经漂染既黑柏叶，食落无血腥味同埋唔韧唔痴牙，喜欢爽脆口感的话会喜欢的
💁🏻♀️皇帝菜
平时好少打边炉食到皇帝菜，呢度会将菜叶同茎切开，我朋友话茎既部份好鲜嫩几好食
💁🏻♀️双柚爱玉茉莉冰沙
呢一个冰沙我见每一枱都会有的，应该系餐厅送俾惠顾嘅食客的，由于打边炉实会食到热辣辣，饮番杯冰沙解热解辣都适合不过
💁🏻♀️大红袍珍珠奶茶
另外不得不提佢哋呢度嘅大红袍珍珠奶茶真系好好饮，饮落好香茶味，个奶味唔会盖过咗茶香，唯一嘅不足系啲珍珠唔够烟靭，我个人觉得叫少甜个味道刚刚好
张贴
