ROYAL INN

营业中

休息中

环境5分：皇室堡商场西餐厅真系好少会装修到如此华丽高级，大正门已经有水池，入面呢仲有水晶灯，非常耀眼，加埋好多盆栽好大自然，好贵气，地方仲好大，可以畀五分。卫生5分：Ｄ枱虽然冇枱布，但系立立令，好干净，卫生一样畀五分。服务 5分：服务员不停加暖水，自动又快手，落单上菜效率高，又唔啰唆，满分。味道5分：1)    法式龙虾浓汤好浓好甜好润，仲配左条又长又脆嘅多士。2)    法国鸭胸红菜头沙律入面鸭胸都算几多，D菜好新鲜同好爽，其他仲有蕃茄，果肉，芝士，核桃做配料，加左好多口感同层次，红菜头有一粒粒同造左个酱，好特别。3)     招牌威灵顿羊架大大件单支羊架外面包住厚厚嘅酥皮，羊肉真系medium，皮又够酥同够松，中间夹住嘅stuffing好惹味，配菜仲有沙律菜，薯角，garlic，食完非常饱肚同满足。抵食5分：靓环境入面食高级西餐，有汤有沙律同羊架，非常抵，五分。