La Rosabelle Bar & Grill

营业中

休息中

朋友新居入伙，house warming完，跟住佢揾好嘢食。去到呢间传说中嘅英式典雅餐厅，环境装修真系靓到不得了，座位宽敞，具气派，令人仿如置身于欧洲古堡一样。因为唔算太肚饿，所以唔拣套餐，每人拣d自己钟意食嘅，再开心share 。朋友最爱Risotto，我就最爱甜品crumble。🍛黑松露鲜虾意大利饭十分欣赏Risotto的弹牙有咬口，每粒饭都充满黑松露香味，又滑又creamy 。要特别一提鲜虾，肉质弹牙鲜味，仲要有6大只，大满足。🥩🥔西班牙黑毛猪柳配薯容猪柳松软肉厚，要控制好火候才做到中间肉色粉嫩，炭烤令肉质有多一份炭香味。沙律简单新鲜，减轻了猪柳肉的肥腻感觉，加上超好味嘅薯蓉，食得出唔系用粉开，因为里面有咬口嘅小薯粒，仲有满满嘅牛油香味。🥧玉桂黑梅苹果金宝配云呢拿雪糕必点嘅甜品👍。玉桂同苹果本身已经系绝配，加埋黑梅，呢个甜品就更多一份清新感觉；而云呢拿雪糕加混和苹果金宝一齐食，简直系神之美食。超满足嘅一天，喺咁华丽嘅环境与友谈心，同时欣赏美景，共晋晚餐，超正。餐厅仲有室外位置，欢迎带埋主子一齐用餐，宠物友善大推。