雅谷餐廳

营业中

休息中

终于嚟到正日生日,阿肥就带阿胖出城,嚟到呢间极具奢华气派嘅雅谷餐厅共进午餐,为庆祝之旅揭开序幕 由于我哋都有小小赶时间,阿肥唔想大热天时行咁多路,又唔想迟到,所以我哋搭地铁一出铜锣湾站就坐的士直接过嚟啦,一落车喺餐厅出面已经有服务员弯腰鞠躬接待,搞到我都唔敢再喺门口逗留拍照,以免失礼🤭 一开门入去,已经见到里面优雅古典嘅装修,四周围都有华丽嘅摆设装饰,配上柔和嘅灯光,营造贵族气派嘅环境以及浪漫极致嘅气氛,大家如果要嚟呢度用膳,衣著真系要比较隆重以表尊重。餐厅嘅职员待应睇得出已经系富有多年经验,全部已成为绅士,个个彬彬有礼,贴心周到咁带我哋行过一条楼梯,到达二楼后安排一个比较宁静嘅二人座位,再提供餐牌俾客人选择食物。我哋两个都决定每人叫一个有四道主菜嘅午餐,价值$390另收加一服务费。点餐之后,侍应会捧住一篮里面有多士同法包任君选择,钟意嘅可以两种都食哂,仲可以无限添加,而枱上面附有一小碟🌹玫瑰花型嘅牛油,令我大开眼界,仲要出乎意料地好好味,香浓幼滑,怕肥嘅我都几乎成旧俾我搽哂而我哋两个叫嘅套餐都分别有以下食物,仲会送上红酒或白酒一杯添🥂 头盘： 我👉🏻芝士焗菠菜酿磨菇~有三粒中型siz