Express Bar by Lassana (友邦九龍大廈) (已結業)

话说同一大班细胞小组组员参加完运动会，嚟到长沙湾广场嘅潮濠城饮茶食点心，顺道庆祝3、4月嘅生日之星，仲打孖预备咗两个细蛋糕为佢哋庆祝，其中一个喺Express Bar by Lassana嘅法式「焦糖朱古力慕丝蛋糕」（$138）。首先讲卖相，百零蚊个蛋糕都睇得出落足心机晌外观上，巧妙利用面层焦糖浆嘅古铜色，衬啲杏仁朱古力薄脆片已经令卖相变得好精致、雅气，带股复古风，真喺值得一赞 。落刀𠮶吓已感到啲焦糖慕丝好幼滑，内里仲夹杂焦糖啫喱、软心焦糖粒，令整个蛋糕都充满焦糖嘅甜蜜，让人食落有份幸福感 ；如面层嘅焦糖浆减低少少甜度，相信更多人接受到，因为依家有啲组员感到有啲「漏」；饼底用上朱古力饼底，觉得可以做番大个少少，因为，切开之后好承托啲，一件件分比其他人都易啲 。虽然有些微地方需要调校吓，但质素称得上上乘高水准，加上以焦糖为题，就更啱我个人嘅心水，焦糖粉丝真喺唔好错过！