萬丸燒肉 (已結業)

今日系铜锣湾行街，接到张传单介绍食烧肉，$348（1-4）任饮任食，有安格斯牛，同多款日本鸡猪。拎左张传单上到黎又真系几唔错，最紧要黎到唔会太大阵味，抽烟系统做得几好。。我地择左个$348餐，全部野食QRcode落单，野饮出去自己拎。野食有：安格斯封门柳、肩胛脊肉、香葱薄牛舌、日本豚五花肉、日本千岁豚肩肉、日本豚肉眼、日本锦爽鸡腿肉、多春鱼、串烧、青口、蔬菜…多不胜数。。野食种类繁多，质素都几唔错，尤其欣赏佢啲肉整得好有日式style ，去日本食烧肉都系呢个调味，而牛方面，最钟意就系香葱薄牛舌！同埋安格斯肩胛脊肉，薄得黎好重牛味，爽爽地咁。另外猪都不可忽视，因为系日本猪，所以全部都好滑身唔鞋口，日本豚五花真系好正，encore左好多碟，油脂滴晒落去，烧到脆卜卜咁。。另外比较得意既就有串烧，好似鸡皮鸡肾咁，炸物沙律小食都有10几款，紫菜饭又有，讲得出既基本上都有齐，食120分钟岩岩好又唔会太赶咁。