影片
更多
2012-09-27
71 浏览
暂时食过最好食既四川辣鸡煲 ﹗要够辣先好食架 ﹗中辣已令我额头冒汗辣，鸡肉嫩滑带酒香，汤汁香辣浓郁加大量香料，好好味呀 ﹗但想食好野就晚巿刚开始不太忙既时候，如果太忙或差不多收工的话，质量就会大幅下降 ﹗行行下街误打误撞上左黎试，楼上舖窗门位望街景，卡位宽落坐得舒服，但对住个厨房出品部，间中都几嘈吓架。楼面地方都好宽倘，有四五张卡位，九到十张方枱，密度未算太高，可接受。研究个 menu 先，依度除左食鸡煲，仲可以叫个汤底打埋边炉添。哗 ﹗连鲜味桂鱼羊肉卷都有，下次一定要试 ﹗怀旧菜，十几廿年前电视见过，从未有机会试到。仲有口水鸡、剁椒鱼头、蟹糯米饭、东坡肉、芥香虾球、土豆鸡、醉鸽、蒜泥白肉、等等等等 ﹗全部都想食呀 ﹗keep 住研究个 menu，好多野想试呀 ﹗但又唔太肚饿、又赶时间去睇戏，只有 60 分钟左右乍。前菜两小碟，炸芋片口感及味道机乎同薯片一模一样，但较为健康清淡，无咁咸。 水煮桂鱼，血色既汤底，好抢眼 ﹗试一口桂鱼柳，口感滑溜、结实兼弹牙、味道带鲜鱼甜味，令我都分不清系野生还是养殖喇 ﹗总之口感同味道跟野生桂鱼有九成似啊 ﹗汤底辣中带麻，好好味，好刺激 ﹗又好兴奋，越食
行行下街误打误撞上左黎试，楼上舖窗门位望街景，卡位宽落坐得舒服，但对住个厨房出品部，间中都几嘈吓架。楼面地方都好宽倘，有四五张卡位，九到十张方枱，密度未算太高，可接受。
研究个 menu 先，依度除左食鸡煲，仲可以叫个汤底打埋边炉添。哗 ﹗连鲜味桂鱼羊肉卷都有，下次一定要试 ﹗怀旧菜，十几廿年前电视见过，从未有机会试到。仲有口水鸡、剁椒鱼头、蟹糯米饭、东坡肉、芥香虾球、土豆鸡、醉鸽、蒜泥白肉、等等等等 ﹗全部都想食呀 ﹗keep 住研究个 menu，好多野想试呀 ﹗但又唔太肚饿、又赶时间去睇戏，只有 60 分钟左右乍。
前菜两小碟，炸芋片口感及味道机乎同薯片一模一样，但较为健康清淡，无咁咸。
水煮桂鱼，血色既汤底，好抢眼 ﹗试一口桂鱼柳，口感滑溜、结实兼弹牙、味道带鲜鱼甜味，令我都分不清系野生还是养殖喇 ﹗总之口感同味道跟野生桂鱼有九成似啊 ﹗汤底辣中带麻，好好味，好刺激 ﹗又好兴奋，越食越想食呀 ﹗
食食吓水煮桂鱼，发现有薯粉做底㖞，开心死 ﹗索晒血红既麻辣汁，口感咽靭滑溜又弹牙，正到痺呀 ﹗一路食一路𩙪汗，爽乎 ﹗
夹一碗薯粉配大量麻辣汤，薯粉一啖就滑落喉咙，紧随著劲辣既麻辣汤热腾腾一饮而尽 ﹗情绪异常高涨 ﹗真系停唔到口呀 ﹗添食添食 ﹗
辣鸡煲中辣，好香好香好香 ﹗放上张枱一打开个盖即时香气四散 ﹗著住电子炉滚住食，热辣辣 ﹗大量大蒜、干葱头、葱段、青椒、辣椒、洋葱、等等，全部爆到香口非常，加埋厚薄适中既秘制辣汁，好正呀 ﹗见 openrice 食评话加入大量豆板酱？﹗边度有豆板酱呀。Order 半只鸡，无论鸡髀、鸡胸、鸡背脊都嫩滑无比，鸡味浓郁而带酒香味道，好食到不得了 ﹗暂时黎讲系我食过最好食既鸡煲 ﹗仲有白年糕做底，索晒所有鸡煲既精华，辣得美丽 ﹗但年糕太滞喇，试一两片算数。
辣鸡煲既秘制辣汁厚薄恰到好处，唔会好似某啲舖头咁一味浓一味杰挞挞又黑蚊蚊咁。依个汁香辣非常，色泽鲜明吸引，卖相讨好。
辣鸡煲中辣鸡半只，好多鸡肉无呃秤，仲好多配菜同年糕添呀 ﹗
奶油津白，哗 ﹗十二分清甜多汁呀 ﹗推介 ﹗喂得入味又够晒腍，热腾腾咁食超钟意 ﹗食咁辣既野，叫碟菜平衡一吓先掂呀，奶油解辣一流㖞。
张贴