반찬앤쿡 Banchan and Cook (太古城中心)

营业中

休息中

餐厅已经换晒万圣节主题，周围都系南瓜，连menu都有更新左，几有新鲜感。墨汁大虾宽条面，万圣节以黑色同橙色为主调，所以墨汁意粉同大虾就衬晒，意粉够弹牙，虾都几肥美，仲有好多菇衬托。 烧酱油黑毛猪白切肉配大酱生菜，黑毛猪好入味好厚肉，夹埋蒜、加pat 酱包埋生菜，再加上份量够大，真系好有韩国生菜包既感觉。 蜜糖无骨炸鸡(半份)，炸鸡系呢间餐厅必叫，鸡又滑皮又脆，有薯条同年糕伴碟，再点埋酱食，味道层次丰富! 巴斯克芝士蛋糕，虽然皮唔系特别浓，但里面又做到柔软既感觉，有生果配衬，减低腻感。 暗黑地狱世界，竹炭牛奶沙冰，有万圣节气氛。科学怪人之夜，竹炭抹茶，有少少籽类坚果系面，增加健康感。