Brotzeit German Bier Bar & Restaurant (已結業)

一个万圣节嘅晚上我哋一行4人穿上造型服装，去到呢间朋友去推荐嘅餐厅用餐，朋友第三次嚟，主力推荐食猪手～今次我哋叫左一个pizza加一份大猪手拼盘，因为我真系钟意食pizza！首先Pizza就系菠菜蕃茄PIZZA，方形PIZZA分成两公婆 小份，芝士味香浓而不漏，正宗PIZZA嘅感觉。今日嘅重点就系大份嘅猪手拼盘，成个拼盘分成猪、猪手、烧猪肋骨、配菜。猪方面有传统嘅法兰克福肠、德国肠 ⋯⋯ 多到我都唔识分。配菜方面，除左有德国酸菜之外，仲有埋Pikled，真系好开胃，而且食到好FULL嘅时候，再食返啲酸嘢，又可以再食多啲～猪手方面，个皮好脆，而且都啖啖肉，德国咸猪手个味道少咸但好有风味。不可不提嘅系拼盘隔离嘅猪肋条，绝对系惊喜，我个人更爱食个猪肋条！其实我地食食下就觉得应该叫少一份PIZZA，因为个拼盘实在太大，食唔完有啲浪费。由于是日万圣节，见到唔少人都作悉心打扮去庆祝，纵使餐厅无咩特别布置都依然觉得气氛唔错。