漫花燈火OMG (已結業)

超多网红介绍嘅打卡餐厅， 餐厅虽小，五脏俱全，每个都系打卡位， 而且灯光光猛，唔会影到个人又黄又黑， 而且用左好多块镜仿似置身于万花筒入面， 镜面照射影人特别好睇， 好似四面八方都有人帮你打灯咁。♡黑鱼子牛油果烟三文鱼水牛芝士波波他他 ＄168前菜摆盘好靓，酥皮圈内面有牛油果、烟三文鱼同水牛芝士波波，配士多啤梨伴碟。♡黑鱼子面包蟹意大利饭 $228意大利饭堆到好似山咁高， 蟹膏味十足， 上面有大旧蟹肉同珍贵嘅黑鱼子酱， 仲有金箔同花花，超饱肚。♡ Fika $128云朵系豆腐mousse，豆味明显，甜度唔高。天空部分系脆糖。草地系抹茶曲奇，茶味浓郁，配上红豆同牛奶麻糬。仲有食用花系上面， 靓到唔舍得食。