谷媽媽小店

营业中

休息中

黎大坑做野，下午同同事揾地方食lunch。见到呢间光猛，价钱又好似ok，就入去食。其实求其一餐，对我呢啲粗人，又唔会有太多要求既。最紧要快，啲野入到口同埋价钱清楚啲小麻烦。不过呢间就......我系几个同事入面最早落order既，点知另外两个啲野食都到左食紧，有个仲食哂了紧牙，我𠮶碟先黎。我之前见人地黎左我已经问我𠮶碟呢？呀姐就话整紧啦。我杯奶茶黎左，同事食左大半，我再问，呀姐都话整紧啦。到一个食完我再问，呀姐先话张单冇左，佢地部机问题㖞。（睇其他评论，佢地部机都好似有好耐问题）然后就话好快黎左碟饭。咁好啦，都要照食，哗~~~酸到呢~~~我就叫糖醋猪柳菜饭，食落呢就似咕噜猪柳饭，食左半碟就食唔落，早知唔白饭改菜饭。各位埋单要睇睇先计钱㖞，原来佢地系包豆浆，如果转冻热饮，一律加5蚊架，我叫左热奶茶，见到张单就写2杯冻奶茶，问呀姐先知系咁计，早知我都飮豆浆算，横掂冻热豆浆都系同价。我叫个饭就52，转菜饭加3蚊，饮品原来加5蚊，埋单就60蚊。呢间餐厅真系多乜谢，下次黎做野，尽可能都系睇其他餐厅算。