西貢松記車仔麵

营业中

休息中

不经不觉原来已经三年无黎依间名人车仔面喇！记得当年车仔面好好味！重游旧地，装修过㖞，仲改左开放式门口。望望个 menu，依家有港式即食面餐添，变左车仔面茶餐厅？据我经验，每次面店专注一样野好地地，一转埋茶餐厅既时候，质数插水式下滑。虽然尊程想黎食车仔面，但抵受唔住出前一丁既魔力，最终决定食佢啦！又系出前一丁。太阳蛋猪扒肠仔出前一丁，阿姐你瞓醒未呀？落错晒单喇！我要冻斋啡走甜，走糖走奶，你就求其冻啡走甜！我要太阳蛋肠仔猪扒出前一丁，你就比熟蛋我，仲要廿十成熟劲老劲干！我即黑面著火！仲未完，又错！我问猪扒呢？阿姐答今日无猪扒㖞。无你刚才落单唔讲无？真无定假无呀？你无猪扒你唔黎问我要咩？依家变左肠蛋面。您唔识广东话就返乡下再培训先黎香港！火都黎！另外，出前一丁个汤边度系咁既色架！饮落味道系车仔面既汤沟出前一丁既汤啰！面质合格。朋友仔见我黑晒口面，割爱请我食只太阳蛋降火！旧熟蛋当然掉低无食，以示抗议！卤水鸡中翼，肥美够大只，浸得刚好，皮香肉滑，仲好有肉汁添！无话浸到霉霉烂烂干争争，好味。卤水清香不浊，啡黄带光泽，上品！