唐坊火鍋私房菜

营业中

休息中

今日約咗朋友黎到油麻地譽發廣場頂層精緻火鍋餐廳 首先湯底揀咗唐泰北蝦冬陰公湯鍋😍 佢冇平時泰式冬陰功湯咁濃 反而係清清地 但依然冬陰功味好突出👅🔸手切頂級鮮牛採用牛板腱嘅部位 油花非常均勻 而且牛味好濃肉質鮮嫩🔸豬肉白菜餃拼水餃食材好新鮮😍 我食得出有粒粒白菜係入邊😋 同埋個水餃有驚喜！選用左蝦籽豬肉拼木耳作餡 好香同埋水餃皮好薄😙🔸油麥菜大大盤油麥菜超級新鮮😚 而且索曬冬陰功湯底嘅味道 真係超好味👅🔸特長蟹柳係平時出邊買到蟹柳嘅兩至三倍長度 仲要有成四條咁多 不過味道就正正常常 同出邊打邊爐買到嘅都差唔多味道🔸邪惡魚皮呢個邪惡魚皮真係名副其實‼️ 鹹蛋黃炸魚皮真係冇得輸🥰 超級脆同埋香口 但係浸埋落冬陰功湯底兩至三秒口感更佳😋🔸香菇貢丸有成六粒勁大粒嘅貢丸 而且食得出係手打 肉質非常彈牙 😚 而且食得出粒粒香菇粒 簡直冇得彈🔸椰汁雪耳糖水總結來講，雖然價錢唔算最平 因為逐碟計而嗌下嗌下都唔覺意嗌咗好多 買單大約四百幾蚊一個人 但係食物質素嚟講都好唔錯 物有所值👍 所以如果想享受一下精緻嘅火鍋 而環境冇咁嘈吵同埋居高臨下咁望住油麻地嘅景色 呢度都係好好嘅選擇🙈🙈