影片
更多
2022-10-16
55 浏览
之前去过旺角嘅分店，今次二访嚟油麻地呢头嘅分店，无论食物定系装修依然十分满意，仲可以带埋宠物一齐叹杯靓啡🐶！呢间分店用咗绿色落地大玻璃，有少少复古嘅感觉，采光度十足！发现佢个Menu都变咗啲，加入咗几款开心果系列嘅食品，作为开心果迷一定要试❤️！------------------------------🦐◖鲜茄海鲜西班牙锅饭◗ $198好少见cafe有paella，即管试吓佢！海鲜配料几足，有大大只青口、鲜虾，青口落咗少少海盐，炙烧过落少少；有两只虾仁同一只原只大虾，海鲜都几鲜甜有口感唔会梅肉！饭底好有鲜味，煮得软硬度啱啱好，有少少蕃茄嘅酸味，混合埋洋葱同埋蒜头嘅香味，颇有咬口，仲有少少饭焦！🧇◖手工绿茶窝夫配开心果雪糕◗ $98窝夫系绿茶味🍵，有四大块好大份！窝夫暖笠笠外皮好脆，点埋冻冰冰嘅开心果雪糕食，真心正！开心果雪糕有粒粒开心果碎，微甜带少少甘味，另外仲有啲开心果cream，食落就微咸带啲酸微味，食晒都唔会觉得腻！☕️◖开心果鲜奶咖啡◗ $46有150mL同埋300 mL可以拣。咖啡面头落咗啲开心果碎，奶泡好浓厚，影完一转相都仲未消泡。味道方面咖啡味会重啲，开心果味就冇咁出～如果
------------------------------
🦐◖鲜茄海鲜西班牙锅饭◗ $198好少见cafe有paella，即管试吓佢！海鲜配料几足，有大大只青口、鲜虾，青口落咗少少海盐，炙烧过落少少；有两只虾仁同一只原只大虾，海鲜都几鲜甜有口感唔会梅肉！饭底好有鲜味，煮得软硬度啱啱好，有少少蕃茄嘅酸味，混合埋洋葱同埋蒜头嘅香味，颇有咬口，仲有少少饭焦！
🧇◖手工绿茶窝夫配开心果雪糕◗ $98
窝夫系绿茶味🍵，有四大块好大份！窝夫暖笠笠外皮好脆，点埋冻冰冰嘅开心果雪糕食，真心正！开心果雪糕有粒粒开心果碎，微甜带少少甘味，另外仲有啲开心果cream，食落就微咸带啲酸微味，食晒都唔会觉得腻！
☕️◖开心果鲜奶咖啡◗ $46
有150mL同埋300 mL可以拣。咖啡面头落咗啲开心果碎，奶泡好浓厚，影完一转相都仲未消泡。味道方面咖啡味会重啲，开心果味就冇咁出～如果真系想试浓味啲开心果嘅饮品，可以嗌开心果沙冰！
🍹◖番粉红◗ $78
呢杯mocktail调得好靓，系好少女𠮶种粉红，好梦幻！入面加入左番石榴、柠檬同柚子，饮落酸酸甜甜，柠檬香味会重少少，有玫瑰花瓣🥀作点缀，成杯嘢好refreshing！
🌟Encore指数：9/10
------------------------------
轻食、主食、甜品都有齐，全部都好高质！嘢饮方面，除咗有经典嘅咖啡饮品，仲有提供无酒精嘅鸡尾酒、有酒精嘅咖啡、无咖啡嘅Latte🤪，净系嘢饮都有好多选择！坐喺落地大玻璃前面，望住出面人来人往，都几chill！
张贴
