道頓堀御好燒專門店 (新城市廣場) (已結業)

今日三个人去沙田新城市行下，见到仲有午市套餐就去食啦。可能因为系平日，所以唔系好多人，一入到去就有位。我地每人叫左1个午市套餐，有烧牛舌，芝士四重奏文字烧，御好烧。套餐有一杯野饮，一个沙律，沙律卖相几ok，味道正常。牛舌系薄切，用左酱油黑椒等腌过，味道唔错，但系岩岩烧熟食落都有d韧。芝士四重奏好多芝士，所以煮果时好易㶶。御好烧好足料，有炒面。每人消费大概$100，侍应服务态度良好，唔会赶人走，好愿意解答问题（用边个方法去烧），环境几好坐，几宽敞。