和生飯店

营业中

休息中

训完个晏觉 一醒就已经系晚上九点钟 所以就拣左呢间一落楼就到既和生饭店简单咁食个晚餐伙记态度都几友善咁带我地入去张细枱 好快就俾茶同碗碟我地俩口子食大排档都系求其叫两个𩠌 一人一碗白饭填饱个肚就算呢度既咕噜肉用左蜜桃黎炒 而唔系用菠萝 酸酸甜甜好开胃 咕噜肉又脆又多汁 炸粉唔多 又唔会干争争 都唔错因为好多日无食菜 所以特登叫左个杂菜煲 有几种菜又有粉丝又有虾米仔又有鲜鱿仔 不过真系好清淡 虽然我地2个都好中意食菜 但真系食唔晒虽然个碗系细d 但系d饭塞到好实好满 高岀个碗既一半 好有睇头附近真系无啖好食 好彩仲有间开到咁夜既大排档