五月燒 (已結業)

今日游完水，想懒惰唔煮饭， 就同身边人一齐落街去置乐揾食，成日路过五月烧都要等位，今日早d 去，食早饭好处，就系唔洗等...哈哈入到去坐底， 地方细细，但干净企理，急不及待睇餐牌，主要都系食烧物，烧海鲜...我地先叫左烧牛舌，牛柳，烧鸡泡鱼干，鸡肾...由于呢度冇酒牌， 老板话可以去外边买入黎饮，我地就出去买酒，过几个铺位就有得卖，卖紧特别既酒（如图）， 互利互惠小店感觉非常良好食物上枱，好香，牛舌同牛柳烧得刚刚好，唔太干身，食落仲有少少肉汁😋鸡泡鱼干送酒好正，呵呵之后我地仲点左海鲜，烧北寄具同烧蚝， 味道好鲜， 食到咁小区小店特色，唔会赶你走，仲会埋黎倾下计，感觉好暖