影片
更多
2018-07-14
1748 浏览
最近成日都落大雨，就算要撑住把大伞出去仍不减我出外食晏嘅兴致，而今日要介绍嘅餐厅就系食中菜嘅金公馆。平日天气好嘅时候，呢到除咗人多之外，有时仲会因为某啲小菜同心水头盘售罄，而极为失望。但夏天有计喇！事关餐厅位于湾仔去铜锣湾交界，因此落雨时光临嘅人客会大减，正正系咁嘅时机，坐得舒服，野食都快上菜啲啊！首先呢到午餐其实平均每人消费都大概HKD60-75，但餐内包括老火中汤、前菜、主菜同白饭；所以整体再考虑埋味道，个人觉得都几值得。早前餐单重新再设计过，我极为喜欢嘅菜单宣布回归，所以真系好值得一去再去。以下为你推介，前菜其实同事之间都各有喜好，而我最钟意柯打嘅系蒜蓉青瓜，带蒜香微辣，咬落清脆爽口。其次新嘅凉拌耳丝都不错，稍微酸辣且味浓开胃，送饭绝佳。至于酸辣云耳个人觉得太辣，所以少吃。另外值得一提，呢到嘅明火汤都系我最为期待，每日都唔相同，饮落无味精健康，而且够热十分暖胃。至于主菜之中，个人极为偏爱柯打干煸四季豆，四季豆过油，其中夹杂咸肉碎同咸菜碎，入口野味咸香，送饭一流之选！份量大概系二人份量，觉得三四个人食一碟就会唔够分。其次推荐嘅主菜系宫保鸡丁，虽然菜单上写明有辣椒仔，但个人认为唔算十
首先呢到午餐其实平均每人消费都大概HKD60-75，但餐内包括老火中汤、前菜、主菜同白饭；所以整体再考虑埋味道，个人觉得都几值得。早前餐单重新再设计过，我极为喜欢嘅菜单宣布回归，所以真系好值得一去再去。
以下为你推介，前菜其实同事之间都各有喜好，而我最钟意柯打嘅系蒜蓉青瓜，带蒜香微辣，咬落清脆爽口。其次新嘅凉拌耳丝都不错，稍微酸辣且味浓开胃，送饭绝佳。至于酸辣云耳个人觉得太辣，所以少吃。另外值得一提，呢到嘅明火汤都系我最为期待，每日都唔相同，饮落无味精健康，而且够热十分暖胃。
至于主菜之中，个人极为偏爱柯打干煸四季豆，四季豆过油，其中夹杂咸肉碎同咸菜碎，入口野味咸香，送饭一流之选！份量大概系二人份量，觉得三四个人食一碟就会唔够分。
其次推荐嘅主菜系宫保鸡丁，虽然菜单上写明有辣椒仔，但个人认为唔算十分辣，只要特意挑开辣椒籽、花椒，其实都可以食得到。除咗咸同微辣，其中调味入面仲有些少醋同糖，所以都系一个极为重味嘅小菜，鸡肉一啲都唔会老，但份量比较飘忽，时多时少；其中有啲花生，令到整体变得更香口。
虽然麻婆豆腐已经由午餐Menu剔除咗，但我相信终有一日会回归，可能唔食得辣嘅朋友会敬而远之，只要同侍应柯打走辣，但味道都系相烂不俗，因为芡汁调味够，豆腐肉碎葱花，绝对适合送饭。
最近仲做紧一个Promotiom用App登记会员仲送一个蒜泥白玉，每次叫一个同事Join App Member就可以每次都免费加𩠌，太抵玩了。至于个免费小食其实份量比想象中多，但我肠胃唔太好，所以唔会食咁多蒜。所以推荐食得蒜嘅大家，唔好错过呢啲优惠啊！
总结，金公馆嘅食物有一定嘅水准，调味稳定。一班人开饭又可以每一叫一个小菜Share，样样都试到啲，都系优点之一。温馨提示，面食类嘅午餐就尽量唔好系下午一点放饭繁忙时段柯打，事关经验所得，真系会等好耐好耐，因此如有心理准备先好叫啊。
张贴
