城意 (已結業)

Happy Friday 食好嘢系统之#城意， 食物同餐厅名一样咁有城意，质素都唔错，地方整齐阔落。葡国厨师精选一人套餐，包埋任食自助沙律吧，前菜同水果茶。自助沙律吧有生菜🥬、沙律菜、番茄🍅、什果沙律同埋薯仔🥔沙律，酱汁自由添加，食材清新又健康。前菜叫了：芝士烟熏猪腩焗生蚝🦪，蚝焗完唔算大粒，胜在配料味香浓，一啲都唔醒。葡国酸辣汁拌北海道元贝配芝士泡泡，好有心思的制作，元贝好滑溜，芝士泡泡味道唔会过浓，配合得很恰当。主菜叫左：传统咖喱烩牛尾，个咖哩汁香浓而不辣，牛尾炆煮得入晒味，厚身又大件，柔软黏口，有少少筋膜好烟韧，很好吃😋。黑椒草饲牛扒配煎蛋配薯菜，只太阳蛋煎得好靓，七成熟度的牛，厚度刚刚好，肉质嫩很易切开，肉汁丰富，回味无穷。餐饮的水果茶，清新解腻。