Baker Talent

营业中

休息中

平时菠萝包就食得多，今次要是下一个味道非常多层次嘅包包。味道有泰式风味嘅班兰，加埋东南亚嘅椰子味道，仲有港式嘅菠萝包味道。味道非常有层次，一次过可以俾我哋呢啲咁贪心嘅人试晒所有味道。自家制咖啡非常有心思。味道同平时喺茶餐厅饮嘅咖啡非常唔同。应该系老细喺咖啡入边加咗啲秘制嘅味道。加重左佢东南亚式嘅风味。椰挞好足料。唔会好似系平时食开嘅饼店咁得少少椰味，满足我哋呢个群椰子控嘅为食欲。芝士挞同椰挞一样咁足料。虽然已经食咗好多，但系一啲都唔腻。可能佢啱啱新鲜出炉，所以味道更加之出众。招牌D24榴梿菠萝包系呢间饼店嘅招牌面包。钟意食榴梿嘅朋友一定要试吓呢个面包。因为佢榴梿嘅味道非常之浓郁，再加埋港式菠萝包嘅味道，令到呢个包层次在多咗一重。真系令人想一试再试。