影片
更多
2018-10-06
170 浏览
马鞍山新开KFC，唔使出沙田先有得食，今日突然想食脆辣鸡腿包所以就去试下了(之前有听人讲话要等半个钟，都想去睇下系咪真既)门口有点餐机但因为费事研究所以都系去左排队叫餐。排左大概10分钟就到我了，点餐都好顺利。点完餐之后我就等啦，唔知点解明明佢地有显示屏但又唔用，系间中先打d号码上去，个个都系咁望住个显示屏但望极都唔见号码，得一个好细声既女仔系前面叫号，所以有d人等等下都走上去问有未。我都打醒12分精神睇住边个盘上面d野似我，见到执好就攞。(等餐都系用左18分钟左右，可能我系平日下午4点几所以好少少??? 仲要见到个师奶大叫等左成个钟 ，搞到我隔离枱坐左无耐都忍唔住出番去及及有餐出未)当然食物先系重点啦! 我叫嘅系脆辣鸡腿包餐配薯格，饮品系热柠茶，另加一个葡挞。我人生未试过食咁硬咁干既包(系佢底面都干又硬，我估佢系烘过头)，入面块鸡皮都几厚无咩肉 (不过呢个又唔关马鞍山分店事)个薯格第一旧我食到又湿又淋，好似蒸过黎咁。之后食𠮶几旧就正常少少，但都唔多香脆。热柠茶就正正常常啦~ 反而我另叫既葡挞酥皮松脆，d蛋香甜几好食wow! 成个餐最好食系呢样!(如果我唔系赶时间我谂我会换过个包，搞到
(之前有听人讲话要等半个钟，都想去睇下系咪真既)
门口有点餐机但因为费事研究所以都系去左排队叫餐。排左大概10分钟就到我了，点餐都好顺利。
点完餐之后我就等啦，唔知点解明明佢地有显示屏但又唔用，系间中先打d号码上去，个个都系咁望住个显示屏但望极都唔见号码，
得一个好细声既女仔系前面叫号，所以有d人等等下都走上去问有未。我都打醒12分精神睇住边个盘上面d野似我，见到执好就攞。
(等餐都系用左18分钟左右，可能我系平日下午4点几所以好少少??? 仲要见到个师奶大叫等左成个钟 [佢迟过我黎，肯定无一个钟啰]，搞到我隔离枱坐左无耐都忍唔住出番去及及有餐出未)
当然食物先系重点啦!
我叫嘅系脆辣鸡腿包餐配薯格，饮品系热柠茶，另加一个葡挞。
我人生未试过食咁硬咁干既包(系佢底面都干又硬，我估佢系烘过头)，入面块鸡皮都几厚无咩肉 (不过呢个又唔关马鞍山分店事)
个薯格第一旧我食到又湿又淋，好似蒸过黎咁。之后食𠮶几旧就正常少少，但都唔多香脆。
热柠茶就正正常常啦~ 反而我另叫既葡挞酥皮松脆，d蛋香甜几好食wow! 成个餐最好食系呢样!
(如果我唔系赶时间我谂我会换过个包，搞到我俾我老公话你去KFC食包梗系中伏啦......
明明我细个食呢只包觉得好好食 ga ma...)
同埋我等餐既时候发觉派餐那三位职员好似唔知点咁，明明见到后面d野食系整好晒但佢地搞黎搞去都谂唔到点样出餐快d。
只可以话新店需要时间磨合，期待见到马鞍山分店迟d会有更好表现!
张贴
