X2劉住您

营业中

休息中

我去葵广扫街通常系食小食，二楼个角位有好多野食，呢间个名玩食字无乜感觉，但望到啲相片餐牌又几吸引，咁啱店前张枱有位可以立食就响度开餐。① 冬荫公炒肠粉 $30个冬荫公味几香浓，加埋椰菜丝，萝卜丝炒，微微酸辣几开胃，食到后期觉得有啲油但我几钟意呢个炒肠粉。② 虾子酱爆炒卜卜蚬 $60炒蚬几大份，几大只，炒得入味，食得滋味，唔错。③ 樱花虾海老军团虾汤拉面 $59卖相几吸引，五只大虾挂边，肉身爽口。虾汤汤底非常香浓，好饮，饮完唔觉口渴，应该无加味精，推！呢个价钱响葵广唔算话好抵食，但论性价比绝对高，香港应该无咩地方收呢个价钱做得到呢个质素。系争在食用环境唔够舒适，如果无埋张枱真系搞唔掂，又蚬壳又虾壳都几狼狈。