迷日食堂

营业中

休息中

有时放工去远少少食饭，行下街扫下街都几开心，今日同男朋友去左葵广既迷日食堂到试下，其实top入面都几多唔同款式嘅野食，见到日式野真系冇得唔叫返一个去试下。套餐 A 汉堡套餐 : 爆汁肉弹汉堡 + 秘制鸡肉弹 2件 $46爆汁肉弹睇到佢整个阵已经有D流口水，听讲系用左和牛绞肉，再加入洋葱炸出黎，好香口同埋外脆内爆汁，真系好好食。秘制鸡肉弹，鸡肉味都好浓同埋好多汁食落又嫩口，新鲜整出黎真系好juicy而且一D都唔油腻。听讲鸡肉用左日本食材，值得加分！ S1 串烧丸子 $24丸子都唔错，不过食完个肉弹已经饱饱地都唔系好食得落个丸子，味道都好食。Overall黎讲CP值都唔错，因为都算大份，而且买套餐就可以加购其他野减几蚊，其实都吸引，下次想再食多次个鸡肉，真系好好食。