細妹姐餃子拉麵店

营业中

休息中

今日收工在葵芳处理完啲事后，顺便去左葵广行左圈，突然又累又肚饿，见到细妹姐饺子店🥟有位就入去坐低揾野食。🍜骨汤双并猪肉饺子台湾面$52🥢可以拣大面条、拉面、公仔面、米线或者汤饭，我未食过大面条就拣左试吓。饺子就得两款，得韭菜猪肉同椰菜猪肉饺，选择就比较少，所以双拼都系得呢两款。🥢大面条真系好粗大，食落几有口感，烟烟韧韧咁；骨汤都比想像中好饮，唔觉有落味精，饮落几清甜，好啱我口味。🥢饺子算几大粒，韭菜同椰菜都几新鲜，唔多觉落胡椒粉，而肉嘅份量都真系几多，食完成碗饺子面都几饱👍🏼🥢眼见其他枱啲男士都点12只饺子🥟，我就应该食唔哂啦。餐厅除咗食饺子面，仲有饭类，有机会再过嚟都可以再试吓。