影片
更多
2024-12-15
0 浏览
舖头好近地铁站，而且个装修系屋邨入面可以话系一个好显眼同埋好特别嘅存在。朋友食过一次话佢啲意粉都唔错，咁啱接佢收工，所以就嚟咗呢到食嘢。‣ 龙虾浓汤蟹肉带子面 $198几钟意佢嘅龙虾浓汤汁，味道好浓厚，但系又唔会话好腻。而墨汁面条带有淡淡嘅海洋味，质感弹牙，成个搭配都好唔错。而蟹肉俾嘅份量都唔少，所食落去嘅时候觉得好满足。而带子有炙过，整体俾你感觉都系好under the sea。‣ 炸薯条配黑松露蛋黄酱 ＋$20薯条炸得金黄酥脆，最正一定系个黑松露蛋黄酱，呢个价钱呢个份量绝对冇得输。‣ 虾多士 ＋$20佢个多士炸得相当香口酥脆，而虾并非平时嘅虾胶，系放咗喺多士上面嘅虾仁，呢个虾多士都几得意。作为餐点小食觉得啱啱好，可以尝鲜又唔会嗌得太多食唔晒。‣ 香草牛油封门牛肉汁意粉 $196上枱嘅时候，店员就会帮手烧香嚿牛油佢，令到个封门牛肉更加香。牛肉肉质细嫩，加埋香草牛油真系一级棒。而牛肉汁令到成个意粉嘅味道相当之浓郁，同带子面啱啱好系一个对比，钟意食比较重口味啲啲嘅朋友应该会相当满意呢一个意粉，系相当至浓郁丰厚嘅味道。‣ 朱古力咖啡 $60甜苦交融真系永远系我嘅至爱，咖啡香味超浓郁，但系两
‣ 龙虾浓汤蟹肉带子面 $198
几钟意佢嘅龙虾浓汤汁，味道好浓厚，但系又唔会话好腻。而墨汁面条带有淡淡嘅海洋味，质感弹牙，成个搭配都好唔错。而蟹肉俾嘅份量都唔少，所食落去嘅时候觉得好满足。而带子有炙过，整体俾你感觉都系好under the sea。
‣ 炸薯条配黑松露蛋黄酱 ＋$20
薯条炸得金黄酥脆，最正一定系个黑松露蛋黄酱，呢个价钱呢个份量绝对冇得输。
‣ 虾多士 ＋$20
佢个多士炸得相当香口酥脆，而虾并非平时嘅虾胶，系放咗喺多士上面嘅虾仁，呢个虾多士都几得意。作为餐点小食觉得啱啱好，可以尝鲜又唔会嗌得太多食唔晒。
‣ 香草牛油封门牛肉汁意粉 $196
上枱嘅时候，店员就会帮手烧香嚿牛油佢，令到个封门牛肉更加香。牛肉肉质细嫩，加埋香草牛油真系一级棒。而牛肉汁令到成个意粉嘅味道相当之浓郁，同带子面啱啱好系一个对比，钟意食比较重口味啲啲嘅朋友应该会相当满意呢一个意粉，系相当至浓郁丰厚嘅味道。
‣ 朱古力咖啡 $60
甜苦交融真系永远系我嘅至爱，咖啡香味超浓郁，但系两边都唔会话好抢戏。两者相辅相成，浓郁得嚟个口感都好顺滑。面头仲有啲朱古力波波，增加返杯咖啡嘅口感，对我嚟讲就系一个甜品嘅存在，但系饮完都真系小心夜晚失眠。
‣ 青柠薄荷绿茶 $48
味道相当之清新，怕啲嘢食太过腻口嘅朋友可以嗌呢一杯，相当之清爽，而且又唔会好苦涩。虽然饮得出青柠嘅酸再加埋薄荷嘅凉爽，但系唔会太过刺激，值得一试。
张贴
