影片
更多
2019-04-24
611 浏览
所謂小隱隱於寺，大隱隱於市！丸京選擇人流極旺嘅葵涌廣場不遠處，隱藏於菜檔魚檔旁邊，講真位置真係非常唔起眼，但有麘自己香嘅～店內地方唔大，只有20個座位，最大嗰張枱坐6人，如果二人世界就要坐 bar 枱（bar 凳超高，腳短短如我坐上去真係有難度），或者坐單邊4人枱（但會好迫），店內環境氣氛寧靜，適合三五知己一齊食拉麵。菜單上有4款拉麵，差別在於叉燒嘅數量 （豚肉拉麵 - 3塊叉燒；極上拉麵 - 6塊叉燒；無叉燒拉麵 - 蛋素拉麵；真。叉燒拉麵 - 真叉燒），湯底方面有濃湯、清湯、地獄湯三款選擇。今日第一次嚟，所以就揀咗穩陣嘅濃湯極上拉麵（$88）。濃湯 - 真係好濃嘅豬骨湯，湯底嘅膠質應該係長時間熬煮而成嘅！個人覺得加少少蒜蓉會更香 半熟蛋 - 佢係我暫時食過嘅拉麵店中最好嘅，雞蛋熟得啱啱好，蛋黃質感軟糯唔會稀流流，香味盡情發放 ，堅好食！拉麵方面 - 個人覺得偏硬少少，如果張Order 紙可以揀埋麵嘅軟硬度就好喇！叉燒 - 店家嘅叉燒係用慢煮烹調，肉質細嫰，肉味香濃 。比起傳統嘅鹵煮叉燒，真係好食N倍！一般拉麵店嘅叉燒得兩三塊，真係到喉唔到肺 丸京嘅極上拉麵有足足6塊，鋪滿碗面，我
丸京選擇人流極旺嘅葵涌廣場不遠處，隱藏於菜檔魚檔旁邊，講真位置真係非常唔起眼，但有麘自己香嘅～
店內地方唔大，只有20個座位，最大嗰張枱坐6人，如果二人世界就要坐 bar 枱（bar 凳超高，腳短短如我坐上去真係有難度），或者坐單邊4人枱（但會好迫），店內環境氣氛寧靜，適合三五知己一齊食拉麵。
菜單上有4款拉麵，差別在於叉燒嘅數量 （豚肉拉麵 - 3塊叉燒；極上拉麵 - 6塊叉燒；無叉燒拉麵 - 蛋素拉麵；真。叉燒拉麵 - 真叉燒），湯底方面有濃湯、清湯、地獄湯三款選擇。今日第一次嚟，所以就揀咗穩陣嘅濃湯極上拉麵（$88）。
濃湯 - 真係好濃嘅豬骨湯，湯底嘅膠質應該係長時間熬煮而成嘅！個人覺得加少少蒜蓉會更香
半熟蛋 - 佢係我暫時食過嘅拉麵店中最好嘅，雞蛋熟得啱啱好，蛋黃質感軟糯唔會稀流流，香味盡情發放 ，堅好食！
拉麵方面 - 個人覺得偏硬少少，如果張Order 紙可以揀埋麵嘅軟硬度就好喇！
叉燒 - 店家嘅叉燒係用慢煮烹調，肉質細嫰，肉味香濃 。比起傳統嘅鹵煮叉燒，真係好食N倍！一般拉麵店嘅叉燒得兩三塊，真係到喉唔到肺 丸京嘅極上拉麵有足足6塊，鋪滿碗面，我最鍾意夾青蔥蒜蓉一齊食，真係回味無窮❤️
最後，食物滿分，但服務就強差人意，唔係話佢服務不周，而係態度冷淡如冰，仿如機械人嘅日文，毫無表情嘅回應（但同其他店員又玩得好開心喎！），其實一個微笑就已經足夠，何解對客人咁孤寒呢？
张贴
