影片
更多
2022-10-01
352 浏览
话说老婆同我都好中意食泰国嘢，但香港地食泰国嘢闲闲地人头都两三旧落楼，但估唔到竟然误打误撞发现喺工业大厦上边有一间非常抵食，性价比一流嘅泰国菜舖头餐厅地点位于与地铁站大概10分钟车程嘅工业大厦，详情请参考店家提供嘅地址😂话说试过两三次堂食都觉得餐厅嘅出品靠得住，尤其是系海南鸡，虽然鸡味系争少少，但系肉质真系非常滑，比起附近专食海南鸡嘅舖头系有过之而无不及，仲要一只都系140$有找，真系唔知去边度揾另外炒金边粉又系，炒得干身唔再讲，金边粉嘅质地仲要系干身得来非常烟韧，重点系晚市都只系卖$48，加三蚊仲要有特饮🥲 ，如果你揾到另一间系咁嘅价钱嘅记得话我听，我买返两盒请你食🥰😂😂同埋晚餐时间只要有挨到小菜类食品，餐厅就会有甜品附送，我第一次去食餐厅送咗芒果糯米饭，第二次佢就送咗椰汁糕，价钱已经咁平仲要送甜品边度够你玩🥰🥰上次堂食买单嘅时候听老板讲原来嗌满$400可以免费送货，今日咁啱约咗啲朋友喺青衣开party，就胆粗粗问老板青衣送唔送，点知原来青衣都可以免费送货，所以今日即刻嗌返餐外卖同朋友一齐分享，讲真，啲嘢食已经咁抵，仲要免费送到青衣，即使明知嗌外卖会影响食物质素都决定试一次啦🤓同老板
餐厅地点位于与地铁站大概10分钟车程嘅工业大厦，详情请参考店家提供嘅地址😂
话说试过两三次堂食都觉得餐厅嘅出品靠得住，尤其是系海南鸡，虽然鸡味系争少少，但系肉质真系非常滑，比起附近专食海南鸡嘅舖头系有过之而无不及，仲要一只都系140$有找，真系唔知去边度揾
另外炒金边粉又系，炒得干身唔再讲，金边粉嘅质地仲要系干身得来非常烟韧，重点系晚市都只系卖$48，加三蚊仲要有特饮🥲 ，如果你揾到另一间系咁嘅价钱嘅记得话我听，我买返两盒请你食🥰😂😂
同埋晚餐时间只要有挨到小菜类食品，餐厅就会有甜品附送，我第一次去食餐厅送咗芒果糯米饭，第二次佢就送咗椰汁糕，价钱已经咁平仲要送甜品边度够你玩🥰🥰
上次堂食买单嘅时候听老板讲原来嗌满$400可以免费送货，今日咁啱约咗啲朋友喺青衣开party，就胆粗粗问老板青衣送唔送，点知原来青衣都可以免费送货，所以今日即刻嗌返餐外卖同朋友一齐分享，讲真，啲嘢食已经咁抵，仲要免费送到青衣，即使明知嗌外卖会影响食物质素都决定试一次啦🤓
同老板讲7:30开饭，老板帮手call车大概7:15就送到，由于有保温袋关系大部份嘢食都keep到温度，落单𠮶阵老板知道我哋开party仲送咗几包自己炸嘅虾片俾我哋品尝，都非常好味
至于当晚嘅食物方面，由于外送关系的确受到些少影响，但系海南鸡依旧系非常滑，冬阴功依旧非常味道适中，酸酸辣辣非常开胃
喺今时今日，食碟鸡扒蛋饭连动饮都要$5,60嘅情况下，晚市仲可以揾到咁嘅价钱嘅泰国菜，建议各位真系可以比次机会佢，一定唔会失望
张贴