夢工房西日料理 (已結業)

梦工房西日料理位置非常方便，喺正葵芳港铁站隔离，上一层扶手电梯已经见到。餐厅门面几阔，等位唔会迫埋哂一齐，入到去𥚃面发觉原来内𥚃环境都算几大。店员先安排就坐，坐底后第一件事梗系睇咗有乜嘢食先。梦工房选择繁多，我哋先点咗刺身、寿司、火锅。接下来再睇其他，芝麻八爪鱼、柚子大虾沙律、羊架、手打汉堡扒、大虾天妇罗、蒜香烧蚝及印度薄饼等等⋯刺身及寿司先到，卖相都唔错。其后火锅亦送上。三文鱼和甜虾刺身好新鲜，象拔蚌好有咬口，食完一轮真系按捺不住要再叫。寿司方面都好吸引，黑松露带子寿司上面啲黑松露应该唔系平价嘢，跟带子配上真有另一番味道。三文鱼及中拖罗寿司好肥美；火炙鳗鱼加上甜甜地嘅鳗鱼汁真系好好食。火锅叫咗寿喜烧汤底，甜而不腻。肥牛片好有牛肉味，虽则不及和牛入口即融嘅感觉，但呢个肥牛亦是上佳，渌一渌，食落都好腍。食完火锅食返啲沙律清一清，个柚子大虾沙律做得好，柚子少少酸带甜，入口清新；芝麻八爪鱼好大只，配上浓浓嘅汁，都好有咬口。羊架有惊喜，羊膻味洽到好处，咬落亦好腍。手打汉堡扒相信系自家制，味道唔错。大虾天妇罗炸得好脆，只虾啖啖肉。蒜香烧蚝好多蒜蓉喺上面，非常香口。印度薄饼煎得脆口，配上炼奶简直一