少爺18 (已結業)

LunchTime谂紧去食咩野好，新都会广场其实真系好多野食，睇到都眼花缭乱，最后决定去试下食新加坡菜「少爷18」！几个人叫左呢几样野食：「印尼炒饭拼沙嗲串烧(辣)$68」、「马来西亚肉骨茶(药材)配白饭$78」、「黑萝卜糕$25」、「咖央虾丸$28/3粒」、「班兰榴梿瑞士卷$28/件」，跟餐奉送「无限添饮」精选特饮(冻/热)，今日既精选特饮系「荔枝特饮」，最好就系可以无限添饮！「印尼炒饭拼沙嗲串烧(辣)」唔食得辣既朋友注意啦，炒饭都炒得干身，粒粒分明，沙嗲串烧系配上猪肉串，都几惹味，好好味。「马来西亚肉骨茶(药材)配白饭」一上餐就闻到好香好浓既药材味，汤水不会油腻，肉质不会太靭。「黑萝卜糕」好香口，甜甜酸酸，好开胃。「咖央虾丸」三粒虾丸配上特别既绿色酱，其实绿色既酱系咖央酱黎嫁！炸得好香口，虾肉都食到既，但份量比较酱小。「班兰榴梿瑞士卷」中间白色cream就系有微香既榴梿味道，配上士多啤梨加蓝莓作伴碟，食完都唔会好觉得腻。「荔枝特饮」免费既都唔会有咩期望，味道不过不失，胜在可以无限添饮！