影片
更多
2024-07-21
472 浏览
行过新都会广场见呢间连锁日式西餐厅开咗新分店，就拣咗呢度食午饭。佢哋午请时段有午餐套餐，选择都几多，跟餐除咗有沙律/餐汤同饮品，仲可以加钱叫小食。和牛苏格兰流心蛋配芥末籽大阪烧汁 $158见午餐menu入面有呢款非常特别嘅菜式，用和牛汉堡包住鸡蛋去炸，做到外面炸皮脆，中间牛肉软嫩多汁，入面鸡蛋流心嘅效果。食落有三重口感，和牛同流心蛋黄浆亦系绝配，配菜仲有沙律同芥末薯蓉。味噌三文鱼配香煎蟹饼及明太子酱 $198朋友就叫咗煎三文鱼配蟹饼，三文鱼带淡淡味噌嘅香味，唔会太咸，调味啱啱好，鱼皮煎得香脆，鱼肉亦都唔会太干身，加埋香口蟹饼，仲有薯蓉，非常丰富。香煎鹅肝青森县苹果黑醋寿司塔可/鳗鱼玉子寿司塔可 $88/+$48餐厅另一样非常有特色嘅食物就系寿司塔可，将海苔炸到酥脆，再夹住唔同馅料同寿司饭。我哋一人叫咗一个，鹅肝青苹果嘅呢款用咗意大利特浓黑醋做酱汁，加埋苹果酸酸甜甜中和返鹅肝嘅油腻感。青森县苹果芭菲 $88甜品就叫咗个苹果芭菲开心share，入面除咗有苹果味雪糕，仲有苹果粒、金宝同苹果啫喱。用咗日本青森苹果，口感爽脆之余味道清甜。甜甜酸酸梳打 +$38柠檬梳打加入黑糖浆调配，酸酸甜甜，消
和牛苏格兰流心蛋配芥末籽大阪烧汁 $158
见午餐menu入面有呢款非常特别嘅菜式，用和牛汉堡包住鸡蛋去炸，做到外面炸皮脆，中间牛肉软嫩多汁，入面鸡蛋流心嘅效果。食落有三重口感，和牛同流心蛋黄浆亦系绝配，配菜仲有沙律同芥末薯蓉。
味噌三文鱼配香煎蟹饼及明太子酱 $198
朋友就叫咗煎三文鱼配蟹饼，三文鱼带淡淡味噌嘅香味，唔会太咸，调味啱啱好，鱼皮煎得香脆，鱼肉亦都唔会太干身，加埋香口蟹饼，仲有薯蓉，非常丰富。
香煎鹅肝青森县苹果黑醋寿司塔可/鳗鱼玉子寿司塔可 $88/+$48
餐厅另一样非常有特色嘅食物就系寿司塔可，将海苔炸到酥脆，再夹住唔同馅料同寿司饭。我哋一人叫咗一个，鹅肝青苹果嘅呢款用咗意大利特浓黑醋做酱汁，加埋苹果酸酸甜甜中和返鹅肝嘅油腻感。
青森县苹果芭菲 $88
甜品就叫咗个苹果芭菲开心share，入面除咗有苹果味雪糕，仲有苹果粒、金宝同苹果啫喱。用咗日本青森苹果，口感爽脆之余味道清甜。
甜甜酸酸梳打 +$38
柠檬梳打加入黑糖浆调配，酸酸甜甜，消暑解渴，非常有特色。
富士青提 $52
朋友叫嘅青提冰茶，味道清新，入面仲有粒粒青提果肉。
。
。
QUE (新都会广场) (葵芳)
葵芳兴芳路223号新都会广场5楼547-565号舖
。
。
张贴
