少爺18 (已結業)

嚟到葵芳多数人都会去葵涌广场扫街，但如果想舒舒服服坐系到食，新都会内都有唔少选择。夏日炎炎，今晚就决定试下少爷18。海南鸡应该系招牌，差唔多枱枱都叫，但今日无试到。头盘叫左个柚子虾沙律，个汁酸酸甜甜，几开胃。炒贵勺劲惹味，调味刚好，唔会太咸。记得问佢地拎辣椒酱，超夹！仲叫多左咖哩猪脾仔，有四大件。佢炆到啱啱，唔系太淋，肉质少韧有咬口，个人几钟意。个咖哩汁都好香，好多香料，捞饭一流。最后叫左一壶香茅茶，廿几蚊几低。建议等一阵先饮，味道先会浓d!哩到环境不错，都算系商场内嘅好选择