極品煮意 鷄煲.烤魚.火煱 (已結業)

去到葵芳想打边炉、鸡煲、烤鱼一定系去极品煮意，地点就脚地方又大，睇住呢个地方由Neway > 韩烧>椰林阁到宜家真系好耐历史。无订位都有位坐，个女最开心就系对住个电视😂未讲食物都讲一讲厕所，比想像中干净。都有唔少熟食同生嘅食物拣，最想饮嘅天麻鱼头汤可惜无哂了，饮品都有好多种类大概十几种左右，而最值得一饮就系海燕窝因为佢好有益嫁！有丰富骨胶蛋白同铁质，味道唔太甜而且唔太冻，好好味！另外熟食嘢种类都系似前菜多，事不宜迟食就拣打边炉，我哋食芫茜汤底同蕃茄汤，汤底味道十足！火锅食物可以岀去拎又可以剔，最多八碟，雪花肥牛、羊肉片、猪腩肉，鲩鱼片等等，肉质唔系平时仼食而将货就价嘅质素，碟碟都唔嚡口。岀面有金菇、芋丝、胜瓜、云耳、丸类、鱿鱼、牛栢叶等等种类都好多，小朋友又岩食！大人又坐得舒服！