燒肉一番 (已結業)

近葵芳地铁站商场上一层就见到呢间烧肉，午餐时间人流好多，学生占大多数！

烧肉有多款套餐，基本款有牛、鸡、豚肉，另外仲可以追加蔬菜、海鲜，另外仲有超大杯梳打特饮！今次拣咗牛胸腹及牛舌套餐，牛胸腹油脂丰富，食落几嫩口。牛舌虽然细块啲，不过都系多汁又嫩口。另外再嗌多个鸡腿肉及豚五花套餐，豚肉都几大块，而且炉够猛迫出好多油，食豚肉都减低到罪恶感。后尾追加翠玉瓜、扇贝、吉列蚝，扇贝几大粒又几鲜味。蚝正正常常，炸得几干身，有蚝味；其实呢到小食都唔错，我有次黎都系叫劲多小食！印象中第一次黎呢间，个夹好难拎同要好用力夹，今次轻松好多。烧网已经无咁轻，记得第一次黎好容易夹起个网令到d肉走位，今次完全无事发生！