Star Kitchen (已結業)

疫情期间，同朋友去左一间叫star kitchen既用心小店，店主先帮我地探热先准客人入餐厅让食客食得放心，而且仲有湿纸巾提供俾我地用好细心。菜单仲要用心手写。叫左杯特饮天际星空，好有荔枝味蝶豆花既颜色真系好似星空甘靓，同埋叫左芒果果茶好浓芒果香。我地拣左个职员推介既爱尔兰传统香酥鸭，职员首先俾左两碗罗宋汤同沙律我地，之后个香酥鸭到左，哗，甘大碟既，生菜好多，店主仲话生菜保证雪得够冻，特登切成圆杯型，装鸭肉用，爽口同够冻既菜，好似北京田鸭，但又唔会好油腻，鸭肉仲要切碎上肉碎好香好好味另外叫左碟wasabi鳗鱼饭，wasabi加多料蘑菇荟饭唔会好漏又好好味，原条鳗鱼，店主自己研发，低糖健康，一试便爱上。而芝士蛋糕唔会太淋同湿无糖无蛋白蛋黄无添加，真材实料又唔会好甜。店主亲切热情介绍秘制食物既创作灵感。菜式特别，最后仲叫左两个甜品，心太软系用66度朱古力整成既，细细个又唔会太甜，下次一定黎食其他独特新菜式。