ROSIE

营业中

休息中

好耐冇返嚟葵芳，返嚟探朋友嘅时候经过见到，呢度竟然有间咁打卡风嘅Cafe，咁就一于叫朋友一齐嚟试吓啦。呢度嘅门口真系好适合影相，影落直程唔似喺香港咁，好似去咗旅行咁呀。呢度最出名嘅就系意粉，佢哋嘅意粉系手工皂嘅，咬落口感非常好，而且价钱又好平，钟意食意粉嘅一定要嚟试吓。我最欣赏嘅就系呢个封门柳意粉，佢嘅牛肉非常嫩滑，而且食物好有牛味，同意粉好夹，食落好香口越食越开胃啊。另外呢杯朱古力鲜奶都好靓，又系好适合打卡。而且佢除咗样靓之外，饮落都好好味。佢唔会太甜，但系朱古力味好浓厚，同牛奶好夹，而且好解渴。呢间餐厅嘅营业时间好长，夜晚收工都嚟到，钟意食pasta嘅话一定要嚟试吓。而家好多西餐厅都系用即食嘅意大利粉，呢度每碟意粉都好出色，感觉每碟都好有诚意。而且价钱仲好平，比其他连锁嘅意粉店好食好多啊。