Rosie

营业中

休息中

圣诞节周围都好多人七街食，今日咁岩有野做黎开葵芳呢边，打开个app见到有间cafe 好似几四正，就去会一会佢。一到门口就被告知无位😱但问下中间d梳化位又坐得，可能职员唔想我哋坐同食得辛苦所以话无坐。入坐后碌左阵menu拣左两个意粉，一个甜品一杯野饮。首先黎既系辣芝士酱意粉，一食觉得几好食，唔算好辣岩岩好，个汁较到岩岩好挂到意粉，虾又够多而且有调味，个人钟意食扁意粉所以有加粉，呢个真系有啲惊喜。再黎招牌龙虾汤蟹肉带子面，个汁比头先个个希d，佢个龙虾汤味同出边唔同，但又讲唔出个分别，就咁浅尝个汤会觉得少少奇怪但夹埋蟹肉意粉一齐食又几好食，个龙虾味出晒黎。甜品原本想食蜜糖吐司但埋晒，转左要心太软，味道几好有流心，唔系硬晒个d, 最紧要一开始有设计比人打卡，推荐试吓。野饮叫左紫薯鲜奶，正常无乜特别。