韓國餐室 (恆景商場) (已搬遷) 新店位置

都帮衬左依间野几耐，佢地出餐真系好快，最快5分钟已经攞到手。最钟意就系佢地嘅招牌饭卷，睇落去唔多，但系之前试过净系食饭卷，其实食完一条都几饱，同埋本身饭都有调味，唔使再点酱汁都够味，有火腿、红萝卜、菠菜唔同材料系入面，d料比得几多，食落去口感几丰富。粉丝就有d油，牛肉都几嫩嘅，食落好香口，本身粉丝都够味，但系加埋辣酱味道就唔同d，辣辣地更加开胃，有d椰菜系粉丝入面食落去脆脆地，又中和到油腻感，份量足味道唔错。甜酸鸡就系酸酸甜甜，咬开有肉汁，唔会好干，好食！三样嘢加埋149，食到好饱，够抵食。