金子半之助 (新都會廣場) (已結業)

日本过江龙天妇罗！餐牌上嘅选择唔多，专注做天妇罗。平事日式餐厅系俾绿茶、乌龙茶，呢度用黑豆茶，感觉消滞解腻，唔错。定价都几高，试一次就够了。上天丼$118- 入面有赤甘鲷、海老、小柱鱿鱼天妇罗饼、温泉蛋、海苔、荚豌豆，酱汁分开上，可以自行调整咸淡程度。白饭薄薄一层，起初以为会唔够饱，但系因为天妇罗多油比较滞，最后都饱。汤一啲味都冇，好似饮紧水。- 我觉得天妇罗当中最好食嘅系温泉蛋，而家仲系觉得好惊叹点解可以炸温泉蛋唔会爆，或者个蛋黄唔会过熟，蛋黄汁捞酱油饭好好味。赤甘鲷好厚肉，冇腥味。小柱鱿鱼天妇罗饼弹牙，好鲜甜。其他就普普通通，炸粉都几油。牡蛎车海老天丼- 最近做promotion，follow IG/FB减$30！抵咗少少，不过由点餐到上菜，都等咗几耐。