The Salted Pig (新都會廣場) (已結業)

想试好耐的餐厅the salted pig，终于唔洗等位，当然就入去试下。环境都几舒服，枱数唔算太多，但枱与枱之间都有一定距离。店员都好主动推介店内期间限定的清新特饮，不过大部分饮品都含酒精成份，岩晒放工后chill下，但未满十八岁🔞就要注意。 ⦁安格斯牛肉芝士汉堡配薯条大大个汉堡，多汁又劲浓牛味，入面有香脆的Bacon同熟洋葱，口感超好。 ⦁墨西哥薄饼（虾/鸡/牛）除左薄饼、满满香料味的鸡肉，仲有几款酱可以自由配搭（芝士/牛油果/番茄洋葱/腌辣椒）个人钟意腌辣椒。 ⦁香蕉雪糕新地有粒烧到外脆内软的棉花糖，一堆朱古力豆。最吸引的是雪糕上的waffle，上面带有少少焦糖，令到waffle脆卜卜。 ⦁Passion Apple（不含酒精）热情果、苹果、桃、士多啤梨等水果泥mix埋一齐，味道好fresh好smooth，酸酸甜甜好开胃。 ⦁Elderflower High Ball（含少量酒精）接骨木花威士忌梳打、青柠汁，有少少酒精味，接骨木花的味道有少少似药水味，但搅拌均匀后似又唔觉。