All for One Cafe (已結業)

一个食素，一个食肉，好难揾到个地方一齐食野，满足大家。网上见到有素食朋友介绍呢间Cafe，即刻带埋男朋友去试。佢可以食佢中意既肉食，我可以食素，一举两得！见到个餐牌样样野都好想食好吸引！最后叫左个烧烤菇汉堡同素鳗鱼薄饼，2款都好好味汉堡好juicy，薄饼饼底软硬适中，下次会再encore。另外，又叫左个桂圆杞子花旗参茶，好香花旗参味。好开心男朋友都陪我一齐食素食，唔叫肉食，非常感恩！cafe既环境好舒适宁静，见到店员好用心布置，就连食物都有干花装饰，赏心悦目。店员好友善，食物又好食，非常推荐大家去聚餐。