Mad for Garlic (已結業)

最近知道食蒜對身體嘅免疫系統好有益，之前氣管又唔太好，呢排又話流感高峰期，所以今晚就決定去Mad for Garlic 食全蒜餐，強壯返個身體先。蒜頭蕃茄白酒汁煮鮮活藍青口配法包片蒜頭同白酒香味好濃厚，反而蕃茄味就較淡，煮出嘅活藍青口就非常嫩口。白酒汁濃味，但藍青口嘅鮮味都依然keep得住。食完青口剩返嘅白汁可以用嚟點法包食。鮮蝦菠蘿炸蒜片Mad for Garlic 招牌意大利薄餅脆卜卜嘅薄餅加埋鮮蝦芝士菠蘿，食落非常之開胃，仲有好多炸蒜片鋪滿薄餅上面，真係好香。另外如果鍾意食芝士嘅話，店員仲可以加即磨芝士。香辣三重蒜味海鮮意粉海鮮意大利粉配料有原隻鮮蝦， 八爪魚，活藍青口，用蒜同辣椒炒到好香，野味十足，海鮮新鮮度高。蒜頭香蕉朱古力醬薄餅配自家製雲呢拿雪糕初初都覺同配搭得好奇怪，不過見咁多人推介就試吓。原來食落都好夾，蒜味無想像中咁重，加埋朱古力醬同香蕉食竟然一啲違和感都無。加埋雪糕一齊食，唔錯仲要係幾好食𠻹。