泰坊 (已結業)

观塘返工撚一定要食，之前返工食lunch同朋友食过，觉得佢同一般泰国餐厅冇乜分别。值得一提嘅系lunch会附送泰汤（冬阴功汤或者酸酸辣辣嘅椰子鸡汤）。殊不知有一日有个同事推介我夜晚走去食，就番唔到转头。仲要系逢星期一至四有特价（咖喱蟹同咖喱虾）。今次系第二次黎食 所以识叫喇😉 叫咗佢个咖喱虾$138（比较抵食对于咖哩蟹）配两客必食嘅蒜蓉包$30each，包你地食过返寻味。咖喱虾：佢个咖喱系有加蛋花，好挂汁个种，好鲜甜又唔会辣，咖喱味香有好重嘅椰汁香，入边有啲洋葱、三色椒、芫荽、韭菜、葱etc 而佢个虾炸得好香脆 大大只好抵食。重点讲佢嘅蒜蓉包：真系泰坊名物，佢系超厚方包切成条状，即叫即焗外脆内软、佢四面都擦满蒜蓉牛油、超级香浓超级惹味、点埋啲咖喱一齐食将依个蒜蓉包升华左另一个层次。今餐两个人食，食到好饱好满足，$200有找，下次先识佢个蟹，一定再番黎帮衬。评分：8.7/10