翠榮雞煲火鍋

营业中

休息中

打边炉我既必须装备，指天椒豉油，依度无蒜蓉提供，惨 ﹗胡椒猪肚鸡煲一只，前几次都系食奇味鸡，转一转啦。发现半只鸡系唔够我地两个人食架，以后都食一只好，唔洗争。奇怪地，今次啲鸡食极都有㖞，系咪依家转左用大鸡呢？还是奇味鸡只鸡系细只好多呢？今次仲比以前多左好多猪肚添呢，起码有十片，以前得几片架乍。猪肚有酒香，质感软棉又索左胡椒香味，好食 ﹗鸡肉嫩滑味道甜美亦带胡椒香，都好食 ﹗咸菜胡椒猪肚汤煲完鸡后劲好饮呀，无投诉啦。胡椒咸菜猪肚鸡煲，滚到中段汤底更浓郁，加埋菜同肉，味道更香更甜，好饮到痺呀 ﹗明知道饮完咁浓既胡椒汤会劲渴，话之佢喇，饮胜 ﹗手切本地牛肉细，即系本地牛颈脊啰 ﹗新鲜牛肉味浓香甜，口感滑溜，好好食 ﹗缺点就系太薄啰 ﹗同肥牛唔同架，要切厚一点，口感会更弹更有赵口，肉汁会更丰富架 ﹗如果再肥美啲、再油润啲就更好啦。我地自家打边炉就会去太和买新鲜牛颈脊，肉汁澎湃、味道鲜甜无比 ﹗劲抵食 ﹗金菇一份，爽口又香甜。鸡子半份得五粒仔点够我食呀，外脆肉嫩再渗入胡椒香味，正 ﹗猪润半份咁多既，灼一灼爽口嫩滑，太耐会又干又鞋架。竹笙索汤高手，特浓胡椒味，食唔停口。生菜并皇帝菜，我唔食皇帝菜呢