德興茶餐廳 (已結業)

寻日7点去完沙田补习，朋友行街，行到去德兴餐厅，比佢既蒜香味吸引住，入去睇下咩𩠌咁香，唔洗等位即刻有卡位坐，原来今晚特餐系「蒜蓉汁牛扒饭」，再加炸带子，我就拿拿声点左。个餐黎得几快，5分钟就到！牛扒几厚，肉质鲜嫩，肉汁锁住系块扒，肉味几浓，赞！个汁真系好香，细细既蒜蓉粒令汁好有层次，淋落块扒再送饭真系一流呀！炸带子都几好食，外脆内软，好有鲜味，不过有只炸得有d㶶，但整体都系唔错既！成个餐有饭有带子，仲有块多士，有汤同饮品，都系51蚊，算系抵食，下次会再黎。